“Voice of Mongolia” шоуны бүртгэл эхэлжээ

Голланд улсаас гаралтай “Voice of Mongolia” шоуг Монгол улсаас Mongol HD телевиз албан ёсны эрхтэйгээр 2018 онд анх удаа зохион байгуулсан. Уг шоуны хоёр дахь улирал буюу 2019 оны шинэ шоу эхлэхэд бэлэн болж, уралдаанд оролцогчдыг бүртгэж эхэлсэн байна. Шоунд оролцох Улаанбаатар хотын иргэдийн нээлттэй шалгаруулалт гуравдугаар сарын 21,22,23-нд болох бөгөөд бүртгэл өдөр бүр 09:00-20:00 цагийн хооронд Баянбүрдийн автобусны буудлын урд байрлах Монгол телевизийн төв байранд болж байна.

2010 онд анх үзэгчдийн хүртээл болсноос хойш өнөөдөр дэлхийн 62 улсад амжилттай зохион байгуулагддаг уг шоуны 2018 оны ялагч ялагч Ц.Энгүүн дэлхийн дуу хөгжмийн салбарын хамгийн том төлөөлөгч болох UNIVERSAL MUSIC GROUP-тэй Монгол улсаас хамтран ажиллах гэрээ байгуулан, 2018 оны шинэ загварын NISSAN QAISHQAI авто машины түлхүүрийг гардан авсан билээ.