ОСКАР 2019-ШИЛДГҮҮД

Шилдэг эмэгтэй гол дүрийн шагналыг "The Favourite" киноны гол дүрийг бүтээсэн Оливиа Колмэн хүртлээ.

Өнгөрөгч оны хамгийн олон үзэгчтэй, олны таашаалд хүрсэн киногоор Queen хамтлагийн түүхээс сэдэвлэсэн "Bohemian Rhapsody" кино тодроод байсан билээ.

Тэгвэл Оскарын шагналын томоохон, хүн бүрийн хүсэн хүлээдэг шагналуудын нэг "Шилдэг эрэгтэй гол дүр"-ийн шагналыг тус киноны гол дүрийг бүтээсэн Рами Малек хүртлээ. Түүнтэй хамт Кристиан Бэйл "Vice", Брэдли Купер "A Star is Born", Вильиам Дэфой “At Eternity’s Gate”, Вигго Мортенсэн “Green Book” киногоороо тус тус нэр дэвшээд байсан юм.

Лэйди Гага болон Брэдли Күүпэр нарын хамтран тоглосон "A star is Born" кино гарсан цагаасаа хойш 2018 онд олны таашаалд хүрсэн бүтээлүүдийн нэг болсон билээ. Тэгвэл тус киноны "Shallow" дуу киноны шилдэг дуугаар тодорч, Лэйди Гага анхны Оскарын шагналаа хүртээд байна.

Киноны шилдэг эх зохиолоор "Green Book" шалгарлаа.

Шилдэг дүрсний эффекттэй кино: "First Man"

Саран дээр хүрсэн анхны хүмүүсийн нэг Нил Армстронгийн амьдралын бодит түүхээс сэдэвлэсэн "First Man" кино дүрсний эффектээрээ шилдгээр тодорлоо.

Шилдэг анимэйшн бүтээлээр "Spider-Man: Into the Spider-Verse" тодорлоо.

Энэ жил хэд хэдэн томоохон анимэйшн бүтээлүүд үзэгчдийн хүртээл болсон билээ. Тэгвэл тэдгээрээс "Spider-Man: Into the Spider-Verse" шилдгээр шалгарлаа. Тус киноны уран бүтээлчид анх удаа Оскарт нэр дэвшсэн бөгөөд ийнхүү анхны шагналаа хүртээд байна.

Энэ удаагийн Оскарын шагналд Netflix-ийн анхны уран бүтээл болох "Roma" кино таван төрөлд нэр дэвшиж, бусад томоохон продакшны бүтээлүүдтэй хүчтэй өрсөлдөж байгаа билээ.

Тэгвэл "Rоmа" шилдэг зураглаач болон шилдэг гадаад хэл дээрх киноны шагналын эзнээр тодроод байна.

Кинонд 1970-аад оны Мехико хотын дундаж гэр бүлийн үйлчлэгч эмэгтэйн түүхийг өгүүлдэг. Найруулагч Куарон өөрийг нь болон ах дүүсийг нь өсгөсөн гэрийн үйлчлэгч эмэгтэйн түүхээс уг киногоо сэдэвлэн бүтээсэн гэдэг.

Хуваалцах

Жиргэх

Батаар юу хэлэв 2019-02-27