Казахстаны супер од Димаш Кудайбергенов

Казахстаны залуу дуучин Димаш Кудайбергеновийн од болох зам 2015 онд Беларусийн "Славянский базар" наадмаас эхэлсэн бөгөөд 2017 онд Хятадын "I'm a Singer" шоугаар дэлхийн тавцанд гарснаа зарлан тунхагласан юм. Димаш "Азийн Грэмми" шагнал хүртэж, Азийн хамгийн алдартай дуучин болж, сүүлийн 2 жил "Дэлхийн хамгийн царайлаг 100 залуу" жагсаалтад багтаж байгаа. Түүний гайхамшигтай хоолойг шүтэн биширдгээ Лара Фабиан, Жеки Чан, Ева Лонгория зэрэг одод илэрхийлээд байгаа билээ. Ингээд түүний тухай хэдэн баримтыг танилцуулья.

Димаш Кудайберген (бүтэн нэр - Динмухаммед Канатович Кудайбергенов) 1994 оны тавдугаар сарын 24-нд Актоба хотод урлагийн гэрбүлд төрсөн. Ээж Светлана Айтбаева мэргэжлийн дуучин бөгөөд Актоба хотын филармонид олон жил ажиллаж байна. Аав Канат Айтбаев "Жібек" хамтлагийн дуучин байсан, 2016 онд Мужийн Соёл урлагийн газрын дарга болсон ч хүүгийнхээ замналд амьдралаа зориулахаар шийдэн, ажлаасаа гарчээ. Одоо Димашийн продюсер. Дүү Раушан бас дуулдаг. Тэдний хамтдаа хэрхэн дуулахыг сонсоно уу.

Димаш 2 настайдаа анх тайзан дээр гарч, 5 настай байхдаа хөгжмийн сургуульд элссэн. 2014 онд А.Жубановийн нэрэмжит хөгжмийн коллеж төгссөн. Дараа нь Астана хотын Казахстаны Үндэсний их сургуульд элссэнТэр алдарт хит дуу дуулахаас гадна өөрөө ч дуу зохиодог. "Өкініш", "Война и мир", "Сөз соңы", "Тәтті елес", "Сәлем", "Ұмытылмас күн", "Көркемім" гэсэн 7 дуутай.Димаш гадаад дотоодын олон уралдааны шагналт. Анхны шагналаа 2000 онд хүүхдийн "Айналайын" уралдаанаас авч байлаа. 2010 онд олон улсын "Звонкие голоса Байконура" уралдаанд түрүүлж, 2012 онд Казахстаны залуу дуучдын "Жас канат" тэмцээний Гран При хүртсэн. Тэр жилээ телевизийн "Восточный базар" уралдаанд тэргүүлж, жилийн дараа Кыргызстаны "Мейкин Азия"-д түрүүлжээ.2015 онд Беларусийн "Славянский базар" наадамд түрүүлснээр хуучин ЗХУ-ын бүрэлдэхүүнд байсанулсуудад алдаршсан билээ