Шинэ үндсэн хуулийн барилдаан ням гарагт болно

Нэгдүгээр сарын 13-ны ням гарагт Шинэ үндсэн хуулийн 27 жилийн ойд зориулсан улс аймгийн алдар цолтой хүчит 256 бөхийн барилдаанд Буянт-Ухаа спортын ордонд болно. Тэртээ 1992 оны энэ өдөр монголчууд шинэ үндсэн хуулиа баталж, хүмүүнлэг иргэний ардчилсан нийгмийг тунхаглан зарласан билээ.

Тухайн жилээс эхлэн жил бүр оны эхээр шинэ үндсэн хуулийн барилдааныг зохион байгуулж заншсан юм. Хамгийн анхны барилдаанд улсын заан С.Хүрэлбаатар түрүүлж байсан бол дархан аварга Б.Бат-Эрдэнэ гурав дараалан түрүүлж байв. А.Сүхбат, Г.Өсөхбаяр, Н.Батсуурь нарын аваргууд мөн тус барилдаанд түрүүлж байсан ажээ. Тус барилдааны сүүлийн арван түрүү бөхчүүд:

2009 он улсын начин Г.Эрхэмбаяр

2010 он цэргийн арслан Ч.Санжаадамба

2011 он улсын начин Ч.Баянмөнх

2012 он улсын гарьд И.Доржсамбуу

2013 он хийгээгүй

2014 он улсын гарьд Д.Рагчаа

2015 он улсын заан Д.Баасандорж

2016 он улсын арслан Н.Батсуурь

2017 он улсын начин Э.Даш

2018 он улсын гарьд Ө.Бат-Орших

О.Наранбаатар