2018 онд хамгийн их гоол оруулсан хөлбөмбөгчид

УЕФА буюу Европын хөлбөмбөгийн холбоо 2018 онд хамгийн олон гоол оруулсан хөлбөмбөгчдийн жагсаалтыг толилуулжээ. Жагсаалтыг Аргентины шигшээ ба “Барселон” багийн алдарт довтлогч Лионел Месси тэргүүлсэн байна. Тэрээр өнгөрсөн жил 54 тоглолтод оролцохдоо 51 удаа гоолджээ.

Түүний мөнхийн өрсөлдөгч, Португалийн шигшээ, “Реал”-аас “Ювентус”-т шилжсэн Криштиану Роналду 53 удаа хөлбөмбөгийн ногоон талбайд гарахдаа өрсөлдөгчдийнхөө хаалганд 49 бөмбөг оруулан удаалсан байна. Жагсаалтын гуравт Польшийн шигшээ, “Байерн” багийн довтлогч Роберт Левандовски (56 тоглолтод 46 гоол) оржээ. 

Дээрхи гурвалын араас Египетийн шигшээ, “Ливерпул”-ийн Мохамед Салах (55-44), Английн шигшээ, “Тоттенхэм Хотспур”-ын Харри Кейн (63-42), Люксембургийн шигшээ, “Дюделанж”-ийн Давид Турпел (49-40), Францын шигшээ, “Атлетико”-гийн Антуан Гризманн (71-40), Уругвайн шигшээ, “Барселон”-ын Луис Суарес (60-37) нар тус тус бичигдсэн байна.

Б.Туг