Александр Овечкин Оросын оны шилдэг тамирчнаар шалгарчээ

ОХУ-ын “Спорт-экспресс” сонины уламжлалт санал асуулгаар тус улсын оны шилдэг тамирчнаар Стэнлийн цомын аварга, “Вашингтон кэпиталс” багийн хоккейчин Александр Овечкин шалгарсан байна.  Тэрээр ганцхан онооны зөрүүгээр уран гулгагч бүсгүй Алина Загитовагийн урд оржээ.

Өнгөрсөн зуны хөлбөмбөгийн дэлхийн аварга шалгаруулах тэмцээнд шөвгийн наймд шалгарсан Оросын шигшээ багийн довтлогч Артём Дзюба гуравт, хаалгач Игорь Акинфеев дөрөвт тус тус бичигдсэн байна. Харин тавд тулааны спортын Хабиб Нурмагомедов орсон аж.

Оросын оны шилдэг багаар тус улсын хөлбөмбөгийн шигшээ баг, шилдэг дасгалжуулагчаар мөн багийн ерөнхий дасгалжуулагч Станислав Черчесов нар шалгарчээ.  

Б.Туг