Алекс Фергюсон “Манчестер Юнайтед” багт эргэж ирнэ

Английн Премьер лигийн “Манчестер Юнайтед” багийн ерөнхий дасгалжуулагчийн үүрэг гүйцэтгэгч Оле Гуннар Сулшерийн зөвлөхөөр ажиллахаар домогт Алекс Фергюсон эргэн ирж буй тухай “The Sun” сонин мэдээллээ.

76 настай тэрээр 1986-2013 онуудад “Манчестер Юнайтед”-ийг удирдан багаа янз бүрийн 38 шагналд хүргэж байсан билээ.

Харин норвеги эр Оле Гуннар Сулшер 1996-2007 онуудад тус багт тоглож, зургаан удаа Английн Премьер лигт аваргалсны сацуу Аваргуудын лигт түрүүлсэн юм. Энэ сарын 18-нд Жозе Моуриньог халсны дараа Оле Гуннар Сулшерийг оронд нь урихыг чухам Алекс Фергюсон идэвхтэй дэмжсэн гэнэ.

Б.Туг