Аймаг, цэргийн цолтой бөхчүүдийн барилдаан бямба гарагт болно

Өнөө жил 21 аймаг, хотын статустай хоёр дүүрэг болон бүх цэргийн баяр наадамд түрүүлсэн аймаг, цэргийн арслан болон хурц арслангуудын тойргийн барилдаан Бямба гарагийн 09:00 цагт Спортын төв ордонд болно. Бөх сонирхогч, үзэгчдийн хүсэн хүлээж буй энэхүү барилдаанд 24-н хүчтэн зодоглоно.

Сүүлийн үед идэвхтэй үйл ажиллагаа явуулж буй “Аймаг, цэрэг, сумын цолтой бөхчүүдийн зөвлөл”-өөс энэхүү барилдааныг зохион байгуулж байгаа бөгөөд цаашид жил бүр уламжлан зохиох ажээ.