Мадридын “Реал” Неймарыг авахаас татгалзав

Криштиану Роналдуг “Ювентус”-т алдаж, ойрын үед маш тааруу тоглож буй Мадридын “Реал” багийн ерөнхийлөгч Флорентино Перес Бразилийн алдарт довтлогч Неймарыг худалдан авах хэлэлцээ хийхээ больсон тухай “Mundo Deportivo” мэдээлж байна.

“Реал”-ын хөгжөөн дэмжигчид тус багийн мөнхийн өрсөлдөгч “Барселонд” урьд нь тоглож байсан Неймарыг таагүй хүлээн авахаас болгомжилсон байж болзошгүй. Уг нь “Реал” Криштиану Роналдутай дүйхүйц одтой болохыг хүссээр байгаа юм.

 26 настай настай Неймар “Барселон”-оос Францын “Пари Сен Жермен”-д 222 сая еврогоор шилжсэн билээ. Парисын баг супер одоо дээрх хэмжээний мөнгөөр худалдахаас татгалзаагүй аж. Энэ улиралд Неймар “Пари Сен Жермен”-ий бүрэлдэхүүнд 16 удаа тоглохдоо 13 гоол хийж, нэг оновчтой дамжуулалт гүйцэтгэжээ.

Б.Туг