11 настай Муин Бачонаевын сормуусыг Орост хамгийн уртад тооцджээ. Сормуус  маань бусдын анхаарлыг байнга татдаг ч,  миний амьдралд  огт саад болдоггүй гэж хүү ярьдаг байна.

Олон охид  гоосайхны  үйлчилгээ хийлгэснээр, урт сормуустай болохыг мөрөөддөг. Харин 11 настай Муин угаасаа  урт сормуустай ажээ.Тэднийх Тажикистанаас Орост ирсэн байна.  

  Сормуус  хүүгийн хамт л ургаад байж. Тэгээд  3,5 см урт болоход эцэг, эх нь шинжээчдэд ханджээ.  Ингэж жаал  хүү Оросын  дээд амжилтын номонд орсон байна.Хүүг олон эмчид үзүүлсэн ч,  тэр эв эрүүл гэж тэд нэгэн дуугаар хэлдэг байна. Мэргэжилтнүүдийн үзэж байгаагаар, сормуусын ургалтыг хариуцдаг  ген огт өөрөөр ажилласан бололтой. 

Одоо түүний сормуусын урт нь 4,3 см болжээ. Гэвч хүү урт сормуусаараа нэрд  гарахыг мөрөөдөггүй, харин мундаг  хөлбөмбөгчин болох зорилго тавьж  байгаа  аж.