Азийн наадам: Монголын тамирчдын өнөөдрийн хуваарь

Азийн спортын 18 дахь удаагийн наадмын 13 дахь өдрийн тэмцээн өнөөдөр үргэлжилнэ. Энэ өдөр манай улсын тамирчид дараах төрөлд өрсөлдөнө.

Сагсан бөмбөг:  Эмэгтэйчүүдийн 5х5 төрөлд манай сагчид Индонезийн шигшээ багтай 10:00 цагаас тоглооно.

Бокс: Боксын эрэгтэйчүүдийн 60 кг-ын жинд ОУХМ Э.Цэндбаатар БНХАУ-ын тамирчинтай 15:45 цагаас. эрэгтэйчүүдийн 64 кг-ын жинд оролцож байгаа ОУХМ Б.Чинзориг Тайландын боксчинтой 20:15 цагт тус тус өрсөлдөнө.

Жүдо бөх: Эрэгтэйчүүдийн -90-кг-ын жинд өрсөлдөх ОУХМ Г.Алтанбагана эхний барилдаанд Афганистаны бөх Мох Исмал Какартай, -100 кг-ийн жинд Л.Отгонбаатар тэмцээнээ эхлүүлнэ. Тэрээр эхний тойрогтоо Тайландийн жүдоч Вэй Пуяанг-тай тус тус учраа таарчээ. +100 кг-д хүч үзэх Ө.Дүүрэнбаяр эхний тойрогтоо хийлсэн байна. Эмэгтэйчүүдийн +78 кг-ын тамирчин Б.Мөнхтуяа БНХАУ-ын тамирчин Яан Вэйнгтэй эхний барилдаанаа хийнэ.