ОУХМ Г.Нандинзаяа Азийн наадмын дээд амжилтыг тогтоолоо

Индонез улсын Жакарта хотод болж буй Азийн зуны спортын XVIII наадам дөрөв дэхь өдрөө үргэлжилж байна. Өнөөдөр зохион байгуулагдсан эмэгтэй винтов бууны 50 метрийн гурван байрлалаас буудах дасгалд ОУХМ Г.Нандинзаяа 1175 оноогоор Азийн наадмын дээд амжилтыг тогтоожээ.

Мөн энэ төрөлд өрсөлдөж буй ОУХМ Ч.Нарантуяа 1173 оноо авснаар манай хоёр тамирчин 1, 2 дугаар байраар шалгарлаа. Мөн хийн урт бууны 10 метрийн дасгалд ОУХМ Г.Нандинзаяа гуравдугаар байрт шалгараад буй юм.