Азийн наадам: О.Насанбурмаа тавдугаарт байрт орлоо

Эмэгтэйчүүдийн 76 кг-ын жинд ДАШТ-ий гурван хүрэл, “Универсиад” наадмын мөнгө, залуучуудын ДАШТ-ий мөнгө, хүрэл, “Гуанжоу-2010” Азийн наадмын мөнгө, Азийн АШТ-ий алт, мөнгө, хүрэл медальт, гавьяат тамирчин Очирбатын Насанбурмаа тавдугаарт байрт орсноор Монголын чөлөөт бөхийн тамирчид Жакартад хоёр алт, нэг мөнгө, гурван хүрэл медальтай тэмцээнээ өндөрлүүллээ. 
О.Насанбурмаа Жакартад 1/4 шигшээд “Парис-2017” ДАШТ-ий хүрэл медальт, Азийн хошой аварга Хироэ Минагава (Сүзүки)-д оноогоор цэвэр (1:13), хүрэл медалийн төлөөх барилдаанд өнгөрсөн жилийн залуучуудын дэлхийн аварга Кыргызстаны 19 настай Айпери Медет-Кызыд 2:4-өөр ялагдав.