Монгол Улс Азийн наадамд есдүгээр байрт бичигдэж байна

Индонез улсад болж буй “Азийн наадам 2018”-д Хятад улс 15 алт, 12 мөнгө, есөн хүрэл медаль хүртсэнээр медалийн тоогоор тэргүүлж байна. Хятадын араас Япон улс найман алт, 11 мөнгө, 11 хүрэл медальтайгаар жагсаалтын хоёрдугаар байрт бичигдэж байгаа бол Өмнөд Солонгос улс таван алт, есөн мөнгө, 10 хүрэл медалийн эзэн болж жагсаалтын гуравдугаар байрыг эзэлж байна.

Эдгээрийн араас тэмцээний эхний аравт Энэтхэг, Умард Солонгос, Иран, Хятадын Тайвань, Индонез, Монгол, Узбекистан улсууд багтаж байгаа юм. Монгол Улсын баг тамирчид хоёр алт, дөрвөн хүрэл медаль хүртсэн амжилтаар нийт 45 улсаас одоогоор жагсаалтын есдүгээр байрыг эзэлж байна.