Өрхийн сарын дундаж орлого 56.4 мянган төгрөгөөр өсчээ

Өнөөдөр Засгийн газрын гурвадугаар байранд Үндэсний статистикийн хорооноос Монгол Улсын нийгэм, эдийн засгийн 2018 оны эхний 7 сарын статистик мэдээллийг танилцууллаа.

“Ажилгүйдлийн түвшин өмнөх оны мөн үеэс 2.1 пунктээр буурлаа. Ажиллах хүчний судалгааны 2018 оны хоёрдугаар улирлын дүнгээр улсын хэмжээнд ажиллах хүч буюу 15, түүнээс дээш насны эдийн засгийн идэвхтэй хүн ам 1.4 сая болж, 743.0 (53.9%) мянган эрэгтэй, 635.8 (46.1%) мянга нь эмэгтэйчүүд байна. Ажиллах хүчний оролцооны түвшин (АХОТ) 2018 оны хоёрдугаар улиралд улсын хэмжээнд 61.0 хувь, хотод 55.1 хувь, оролцооны түвшин 2018 оны хоёрдугаар улиралд өмнөх улирлаас 0.4 пунктээр буурсан байна. ”

Харин Өрхийн сарын дундаж орлого 56.4 мянган төгрөгөө өссөн байна.Өрхийн нийгэм, эдийн засгийн сарын дугдаж орлого 2018 оны хоёрдугаар улирлын судалгаагаар нэг өрхийн сарын дундаж орлого 1.1 сая төгрөг болж , өмнөх оны мөн үеэс 127.2 (13.7%) мянган төгрөгөөр өслөө. Үүнд цалин хөлсний орлого 46.4 (9.1%) мянган төгрөг, хөдөө аж ахуйн бус үйлдвэрлэл, үйлчилгээний орлого 28.5 (41.7%) мянган төгрөгөөр өссөн нь голлон нөлөөлжээ.