Н.Мөнхшүр, Н.Энхшүр нар “Гайхамшигт хүмүүс” нэвтрүүлэгт оролцохоор Москваг зорилоо

Өнөөдөр Монгол Монголын Оюун Ухааны Академийн тамирчид болох Ой тогтоолтын дэлхийн аварга, Олон улсын их мастер Н.Мөнхшүр, Н.Энхшүр нар Бээжингээс Москваг зорьсон байна. ОХУ-ын “Россия 1” телевизээс тэднийг “Гайхамшигт хүмүүс” нэвтрүүлэгтээ урьжээ.

Энэ оны зургадугаар сард Монголын Оюун Ухааны Академийн тамирчид болох Ой тогтоолтын дэлхийн аварга, олон улсын их мастер Н.Мөнхшүр, Н.Энхшүр нар "Гиннесийн ном"-д албан ёсоор бүртгэгдсэн сертификатаа авсан билээ.

БНХАУ-ын Шенжень хотод болсон 100 мянган ам.долларын шагналын сантай ой тогтоолтын тэмцээнд Олон улсын хэмжээний их мастер Н.Мөнхшүр, Н.Энхшүр нар амжилттай оролцон дэлхийн рекордыг шинэчилж, "Гиннесийн ном"-д бичигдэхээр болсон юм.

Их мастер Н.Мөнхшүр 30 минутад 5445 цифр тогтоон алдаагүй санасан бол Н.Энхшүр нэг цагт 1924 хөзөр тогтоон алдаагүй нэрлэж, дэлхийн дээд амжилт тогтоосон билээ.