"Бүх цэргийн наадам-2018" маргааш болно

Батлан хамгаалах яам Алдар спорт хороо МҮБХ-ноос жил бүр уламжлал болгон зохион байгуулдаг цэргийн цол чимэг олгох "Бүх цэргийн наадам-2018" маргааш “Алдар” спорт хорооны зааланд болно.

Жил бүрийн анхны цолтон төрөх тус наадамд Монгол Улсын бүх хүчний байгууллагын дэргэдэх спорт хороод болох Монгол улсын Зэвсэгт хүчний " Алдар " спорт хороо, Хил хамгаалах ерөнхий газрын " Хилчин " спорт хороо, Тагнуулын ерөнхий газрын " Эрч " спорт хороо, Цагдаагийн ерөнхий газрын "Хүч" спорт хороо, Онцгой байдлын ерөнхий газрын "Аврагч " спорт хороо, Шүүхийн шийдвэр гүйцэтгэх ерөнхий газрын "Сүлд " спорт хороо, Хууль сахиулах их сургуулийн дэргэдэх "Соёмбо " спорт хорооноос гаргасан мэдүүлэгийн дагуу аймаг, цэргийн болон сумын цолтон бөхчүүд оролцно.

Уг наадамд түрүүлсэн бөхөд цэргийн арслан, үзүүрлэсэн бөхөд цэргийн заан, шөвгийн дөрөвт шалгаран бөхөд цэргийн харцага, шөвгийн наймд шалгаран бөхөд цэргийн начин цол олгох юм.