Улс, аймгийн алдар цолтой 256 бөхийн барилдаан болно

Ардчилсан нам байгуулагдсаны 28 жилийн ойд зориулсан Улс, аймгийн алдар цолтой 256 бөхийн барилдаан өнөөдөр Бөхийн өргөөнд болно. Барилдаан 14:00 цагаас эхлэх бөгөөд барилдах бөхчүүд бүртгэлээ Бөхийн холбоонд ирүүлжээ.

Улсын аварга Ч.Санжаадамба, улсын арслан П.Бүрэнтөгс, Н.Батсуурь, Х.Мөнхбаатар, Р.Пүрэвдагва, улсын гарьд Ж.Бат-Эрдэнэ, улсын заан Д.Баасандорж, улсын харцага Ш.Уламбаяр, Н.Батзаяа, аймгийн арслан Ш.Мөнгөнбаатар нарын улс, аймгийн алдар цолтой 256 бөх барилдана. Барилдааны түрүү бөхийг 5 сая, үзүүрт үлдсэн бөх 3 сая төгрөг, их шөвгийн бөхчүүд нэг, нэг сая төгрөгийн мөнгөн шагналтай аж.