Б.Мөнгөнтуул “London chess classic” тэмцээнд оролцлоо

Английн Лондон хотноо болсон шатрын “London chess classic” олон улсын нээлттэй тэмцээнд их мастер Б.Мөнгөнтуул, олон улсын мастер С.Билгүүн, өсвөрийн шатарч М.Пагамдулам нар амжилттай оролцлоо.

Уг тэмцээнд 280 орчим тамирчин өрсөлдсөн бөгөөд тэдний дунд эрэгтэй их мастер цолтон 50 гаруй оролцжээ. Их мастер Б.Мөнгөнтуул эмэгтэйчүүдийн ангилалд 9 өрөг тоглохдоо 6 оноо аван хоёрдугаар байрт орсон байна. Түүнийг “Sunway Sitges open” олон улсын тэмцээн болон Рапид, Блицийн дэлхийн аварга шалгаруулах тэмцээн хүлээж байгаа аж.

Их мастер Б.Мөнгөнтуул сүүлийн жилүүдэд дотоод болон гадаадын тэмцээнүүдийг өнжиж байсан бөгөөд энэ жилээс эхлэн олон улсын тэмцээнд оролцож эхэллээ.