Гавьяат дасгалжуулагч Ё.Төмөрбатаагийн нэрэмжит тэмцээн болно

Энэ сарын 22-26-ны өдрүүдэд Монгол Улсын гавьяат дасгалжуулагч Ё.Төмөрбатаагийн нэрэмжит боксын олон улсын тэмцээн Дорнод аймагт болох юм. Дасгалжуулагч Ё.Төмөрбатаагийн хувьд аймаг орон нутагтаа төдийгүй Монгол Улсад боксын спортыг хөгжүүлэхэд үнэтэй хувь нэмрээ оруулсан билээ. Тухайлбал, түүний шавь Д.Отгондалай “Рио-2016” зуны олимпоос хүрэл медаль хүртэж байсан юм.

Түүний нэрэмжит тэмцээн хоёр жил тутамд зохиодог бөгөөд тус тэмцээнд хүчээ сорихоор Эрдэнэт, Булган, Улаанбаатархойд хөршөөс Ага, Чита, Борзъя, урд хөршөөс Хайлаарын гээд арав гаруй багийн тамирчид мэдүүлгээ өгөөд байгаа аж. Боксчид өсвөрийн эрэгтэй 49-60 кг, эмэгтэй 54 кг, залуучуудын 60 кг, насанд хүрэгчдийн 51 кг, 60 кг, 69 кг, эрэгтэй 60 кг, 64 кг, 69 кг, 75 кг-ын жинд өрсөлдөх юм байна.