Twitter-т Михаэль Шумахерын аккаунт бий болжээ

Twitter-ийн нийгмийн сүлжээнд “Формула-1”-ийн долоон удаагийн аварга германы Михаэль Шумахерын албан ёсны аккаунт бий болжээ.

Автын уралдааны домогт тамирчныг шүтэн бишрэгчдэд зориулж уг аккаунтыг бий болгосныг мэдээлж байна. Мөн ийм тайлбар бүхий түүний албан ёсны хуудас нэг сарын өмнө Instagram-д гарсан юм.

Шумахер Швейцарын Женев нуурын эрэгт өөрийн харшид нөхөн сэргээх ээлжит эмчилгээ хийлгэж байгаа ажээ. Тэрээр 2014 оны есдүгээр сард эмнэлгээс тэнд буцаж очсон юм. Үүнээс өмнө Шумахер 2013 оны 12 дугаар сард уулын цанаар гулгаж байхдаа золгүй явдалд орсноос болоод хагас жил гаруй ухаангүй байсан билээ. Тэр унахдаа толгойгоороо хад мөргөжээ.

47 настай тамирчин байнга хэвтэрт байхаа больсон бөгөөд жишээлбэл тэргэнцэн дээр сууж чаддаг байна. Шумахер төрөл төрөгсөдөө таньдаг болсон ч, ярьж чаддаггүй, учир нь түүний нүүрний булчин хатингаршжээ.

С.Инда