Трамп ялвал АНУ-аас явахаа амласан 23 алдартан

АНУ-ын ерөнхийлөгчийн сонгуульд Доналд Трамп ялсан. Холливудын оддын амлалтын дагуу бол нилээд хэдэн хүн улсаасаа явах хэрэгтэй болох нь ээ. Европ руу, Канад руу эсвэл сансар луу.

Жон Стюарт

Энэ эрхэм хэрвээ Бүгд найрамдах намаас нэр дэвшигч ялсан тохиолдолд өөр гариг руу ниснэ гэдгээ мэдэгджээ.

Челси Хэндлер

Америкийн телевизийн хөтлөгч Испани руу нүүнэ хэмээн сүрдүүлжээ. «Би үнэхээр өөр улсад байшин худалдаж авсан, юмыг яаж мэдэхэв, улсаасаа гарна гэж хэлж байгаа хүмүүс дараа нь бүгд явахгүй байх, харин би бол явна» гэж тэрээр хэлжээ.

Нив Кэмпбелл

«House of cards» сериалд тоглосон жүжигчин Канад руу нүүнэ гэж амласан. Huffington Post-ын ярилцлаганд «Түүний үнэнч байдал айлгадаг» хэмээн хэлжээ.

Барри Диллер

IAC Interactive-ийн үндэслэгч хаашаа явахаа одоохондоо шийдээгүй байгаа ч Америкийг орхино гэдэгтээ итгэлтэй байгаа ажээ. «Хэрвээ Дональд Трамп ялах юм бол би нэг бол улсаасаа явна эсвэл эсэргүүцлээ илэрхийлнэ» гэж Bloomberg-т ярилцлага өгчээ.

Данэм

Girls теле-сериалыг үүсгэн байгуулагч Ванкувер лүү явахаар төлөвлөж байгаа бөгөөд «Би өөр тийшээ явна гэж ярьдаг олон хүнийг мэднэ, гэхдээ би бол жинхэнээсээ явнаа» хэмээн Matrix Awards-д хэлжээ.

Кигэн-Майкл Ки

Жүжигчин маань Канад руу нүүх төлөвлөгөөтэй байгаа тухайгаа ярьжээ. «Бүх юм маш энгийн. Канадын хилээс 10 минутын газар болох Детройтоос би гаралтай» гэж TMZ–д ярилцлага өгчээ.

Хлоя Севиньи

Хэрвээ Трамп ялвал хаашаа явах талаар нь асуухад франц гаралтай жүжигчин, модель «Шинэ Шотланд» хэмээн хариулжээ.

Эль Шарптон

Улс төрийн активист зүгээр л хаашаа ч хамаагүй явах ажээ. «Хэрвээ Доналд Трамп нэр дэвших юм бол би хэнийг ч хамаагүй дэмжинэ, хэрвээ тэр ялах юм бол би эндээс явах билетээ захиална» гэж тэрээр хэвлэлийн бага хурлын үеэр хэлжээ.

Наташа Лионни

Америк жүжигчин «Би хэсэг хугацаанд сэтгэцийн эмнэлэг рүү явна» гэж хэлжээ.

Эдди Гриффин

Кино жүжигчин, хошин шогч Африк руу явах ажээ. Жүжигчин «Тэр сайн мөнгө олдог боловч боловсролгүй… Хэрвээ Трамп ялах юм бол би Африк руу нүүнэ» гэж мэдэгджээ.

Спайк Ли

Трамп ялсан тохиолдолд кино найруулагч Спайк Ли Бруклин руугаа буцаж явах аж.

Эмбер Роуз

Хэрвээ Трамп ерөнхийлөгч болох юм бол загвар өмсөгч хаашаа явахаа хараахан шийдээгүй байгаа ба US Weekly-д «Би энэ тухай бодож ч чадахгүй байна. Би нүүнээ. Би чадахгүй ээ. Би хүүгээ бас аваад явна» гэж ярилцлага өгчээ.

Сэмюэл Л. Жексон

Америк жүжигчин маань Өмнөд Африк руу нүүх ажээ.

Шер

Дуучин Шер Бархасбадь гариг руу явна гэж мэдэгджээ. «Хэрвээ Трамп ерөнхийлөгчөөр сонгогдох юм бол би Бархасбадь гариг руу нүүнэ» гэж тэрээр блогтоо бичжээ.

Жорж Лопез

Америкийн жүжигчин Мексик рүү явах ажээ. «Хэрвээ тэр ялах юм бол түүнд цагаачлалын талаар санаа зовох шаардлага гарч ирэхгүй, учир нь бид бүгд явна» хэмээн TMZ-д ярилцлага өгчээ.

Барбара Стрейзанд

Дуучин Австрали юм уу Канад руу нүүх гэнэ. «Би мэдэхгүй ээ. Би үүнд итгэж чадахгүй нь ээ. Би Австрали юмуу Канад руу нүүнэ» гэж тэрээр австралийн сэтгүүлч Майкл Ушерт хэлжээ.

Рэйвен-Симоне

Жүжигчин, The View-ийн хөтлөгч Канад руу нүүнэ гэж ам гарчээ. «Хэрвээ бүгд найрамдах намын гишүүн ялах юм бол би Канад руу бүх гэр бүлийнхээ хамтаар нүүнэ. Би билетээ аль хэдийн худалдаад авчихсан» гэж The View-д ярьжээ.

Вупи Голдберг

Жүжигчин, The View-ийн хөтлөгч улсаасаа явах ба хаашаа гэдгээ одоогоор мэдэхгүй байгаа гэнэ. «Би Америкт үлдэхийг хүсэхгүй байна. Явах цаг минь болсон бололтой» гэж ярьжээ.

Омари Хардвик

«Хэрвээ ерөнхийлөгчийн сонгуульд Дональд Трамп ялах юм бол би Денверээс Итали руу нүүх болно» гэж The Wrap сонинд ярилцлага өгжээ.

Майли Сайрус

Поп од хаашаа явахаа бодсоор байгаа бөгөөд «Миний зүрх 100000 хэсэг болон зүсэгдчихлээ… Хэрвээ тэр миний ерөнхийлөгч болчих юм бол би нүүнээ» гэж Инстаграм дахь постондоо бичжээ.

Рут Бейдер Гинзбург

Дээд шүүхийн шүүгч Шинэ Зеланд руу нүүх гэнэ. «Доналд Трамп гэсэн ерөнхийлөгчтэй улс ямар байхыг би төсөөлж ч чадахгүй байна… Шинэ Зеланд руу нүүх цаг иржээ» гэж The New York Times-д ярилцлага өгчээ.

Эми Шумер

Жүжигчин эмэгтэй Испани руу нүүх ажээ. «Би испаниар ярьж сурах хэрэгтэй. Учир нь би Испани руу нүүнэ… Хэрвээ Трамп ялах юм бол энэ нь миний ойлголтоос хэтэрнэ» гэж тэрээр BBC Newsnight-д ярьжээ.

Кэти Хопкинс

Британийн тоймч харин эсрэгээр мэдэгдэл хийж байх чинь. Тэрээр Америк руу нүүж ирэх ажээ. «Хэрвээ Доналд Трамп уралдаанд ялах юм бол би Америк руу нүүж ирнэ» гэж тэрээр Твиттердээ жиргэжээ.