Засгийн газрын бүтцийг Ерөнхийлөгчид өргөн барилаа

Ерөнхий сайд Ж.Эрдэнэбат шинэ Засгийн газрын бүтцээ Ерөнхийлөгчид өргөн барилаа. Шинэ Засгийн газар 13 яам, 16 сайдтай ажиллахаар болсон байна.

Засгийн газрын бүрэлдэхүүнд

-Монгол Улсын Ерөнхий сайд,

-Шадар сайд,

-Засгийн газрын хэрэг эрхлэх газрын дарга,

-Байгаль орчин аялал жуулчлалын сайд,

-Сангийн сайд,

-Батлан хамгаалахын сайд,

-Зам тээврийн сайд,

-Эрчим хүчний сайд нар багтаж байна.

-Хууль зүйн яамны нэрийг Хууль зүй дотоод хэргийн яам болгон өөрчилж,

-Хөдөлмөрийн яамыг татан буулгаж Хүн амын хөгжил, нийгмийн хамгааллын яамтай нэгтгэн Хөдөлмөр, нийгмийн хамгааллын яам,

-Аж үйлдвэрийн яамыг татан буулгаж, Уул уурхай хүнд үйлдвэрийн яам,

-Хүнс хөдөө аж ахуйн яамны чиг үүргийг Хүнс, ХАА, хөнгөн үйлдвэрийн яам,

-БСШУЯ-ыг Боловсрол соёл шинжлэх ухаан спортын яам болгон өөрчлөхөөр болжээ.