Цаасан онгоцны УАШТ маргааш болно

Цаасан онгоцны улсын аварга шалгаруулах анхдугаар тэмцээн гуравдугаар сарын 20-нд Буянт –Ухаа спортын ордонд зохион байгуулагдах болно. Уг үйл ажиллагаа нь хоёр үе шаттай бөгөөд үүнд:
1. “Цаасан онгоц” хөтөлбөр
2. “Сансрын нэг өдөр” шинжлэх ухаан танин мэдэхүйн өдөрлөг багтана.
Өдөрлөгт хүрэлцэн ирсэн хэн бүхэн Цаасан онгоцны тэмцээн үзэх мөн Монгол Улсын Баатар Ж.Гүррагчаатай уулзах, оддын өртөөгөөр зорчих зэрэг олон төрлийн туршилтуудыг хийж үзэх боломжтой.

“Цаасан онгоц” хөтөлбөр
“Цаасан онгоц” хөтөлбөр нь хүүхэд гэлтгүй бүх насны хүмүүсийн шинжлэх ухаанч бүтээлч сэтгэлгээг тэлэхийн зэрэгцээ гарын эв дүй, харааны болон биеийн хүчний хөгжилийг хөгжүүлэхэд туслах гэх мэт олон давуу талтай.

Энэхүү тэмцээнд ЕБС-ийн 1-12 ангийн 800 гаруй сурагч, 200 орчим насанд хүрэгчид нийт 1000 гаруй нисгэгч "Холын зайн нислэг", "Агаарын цаг", "Агаарын үзүүлбэр" гэсэн гурван төрөлд оролцоно.

“Сансрын нэг өдөр” өдөрлөг
Монгол хүн сансарт ниссэний 35 жилийн ойн хүрээнд зохион байгуулагдаж буй "САНСРЫН НЭГ ӨДӨР" шинжлэх ухаан, танин мэдэхүйн өдөрлөгийн хүрээнд сансрын нисэгч болох анхан шатны шалгалт өгөх, өөрсдийн хийсэн онгоц болон пуужин, нисдэг сэнс зэрэгээ агаарт хөөргөх зэрэг олон төрлийн өртөөнүүд ажиллах болно.
Шагналын сан: 1,000,000₮
Зохион байгуулагч Ерөнхий ивээн тэтгэгч Ивээн тэтгэгч

Хамтран зохион байгуулагч:
• Монголын скаутын холбоо
• Сансар судлалын зуслан