Викториа Бекхэм хэдэн настай вэ

Нэрт хөлбөмбөгчин Дэвид Бекхэмийн эхнэр Викториа Бекхэмийн төрсөн өдөр өнөөдөр тохиож байна. Тэрээр 41 нас хүрч байгаа аж.

Ажил, амьдрал, карьер, мөрөөдлөө бүгдийг нь амжуулж чаддаг энэ эмэгтэй гурван хүү, нэг охины гайхалтай сайн ээж.

Түүнчлэн Дэвид, Виктория хоёр дөрвөн хүүхдийн ээж аав болсон одоо ч халуун хосууд бөгөөд англичууд тэднийг үлгэр жишээ, нэр цэвэр гэр бүл гэдэг.

Үргэлж хүчирхэг, хурц тод төрхийг илэрхийлж байдаг тэрээр багаасаа л өөртөө анхаарал тавьж, хувцаслалт, үс засалт, арьс гоо сайхандаа ихэнх цагаа зориулдаг байсан гэдэг. Өдгөө 41 нас хүрч байгаа гэхэд тэрбээр наснаасаа хэд дахин залуу харагдаж байгаа биз.

Төрсөн өдрийн мэнд хүргэе, Викториа Бекхэм.

Б.Гэрлээ