П.Шүүдэрцэцэг хэвлэлээр цацагдсан мэдээлэлд тайлбар хийлээ

“Mixx” хамтлагийн дуучин О.Гүнчин-Иш, Б.Болдбаатар буюу Тэмпо нар нэг жил, гурван сар гаруйн өмнө 700-гаад мянган төгрөгийн үнэтэй хувцас зээлээр авсан ч өдийг хүртэл мөнгөө төлөхгүй зугтлаа гэх мэдээлэл цацагдаж эхэлсэн. Мөн дуучин залуусын найз бүсгүйчүүд болох жүжигчин П.Шүүдэрцэцэг, Х.Намуунаа нарыг тухайн худалдагчийг доромжилсон гэх мессежийг дэлгэсэн билээ.

Тэгвэл энэхүү мэдээлэл жүжигчин П.Шүүдэрцэцэг тайлбар хийлээ. Тэрбээр "Миний талд байгаа бүх хүмүүстээ баярлалаа.Хүмүүст болон зарим нэгэн эгдүүг минь хүргэдэг сайтаар нэг тараасан Эрхэм Сэтгүүлчдэд хандъя!! Та бүхэн учрыг мэдэхгүй ээ. Би дуугүй байсан, баймаар ч байлаа, их ч тэвчлээ. Би ч гэсэн хүн. Олны танил гэснээрээ би л бусдад буруу ойлгогдож, миний буруу мэтээр үзэх нь нэг талаар өрөөсгөл юм даа. Хүнд доромжлуулаад жил гаран болоход тэвчинэ тэвчинэ гэхэд тэсгэл алдах үе хүн бүрт бий. Яагаад миний бусад мессежүүдийг дэлгэрэнгүй дэлгээгүй юм бэ? Танд би эвтэйхэн ярьж үзсэн. Тиймээс дэлгээгүй байх нь ... тийм үү? Тэр хүн яаж бичсэнийг та бүхэн мэдэхгүй. Олон удаа намайг дарамталсан тэр болгоныг би бусдад тоочоогүй ээ. Тэгэх ч шаардлагагүй гэж үзсэн... Тэнэгийн газар тэнэг яв гэдэг. Тэнэг харьцсан хүнтэй би тэнэг л харьцлаа. Хэн нэгэн хүний үгэнд итгэчихээд байгаад харамсаж байна. Би хаа ч өөрийнхөөрөө л байна. Худлаа баг зүүж амьдрахгүй.

Өнөөдөр би нөхрөө хамгаалснаар буруутаж байна. Гэхдээ эрүүл бүх л хүн ийм юм хийх байх. Хэн ч намайг над шиг мэдэхгүй шүү дээ. Тэгвэл яагаад бусад мессежийг хийгээгүй байна аа?Жил гаран намайг үг хэл амаар доромжилсон эмэгтэй намайг тийм мессеж бичүүлэх гэж аргаа бараад бичүүлсэн байх нь... Тэр хүнийг яаж авирласнийг нь та бүхний хэн нь ч мэдэхгүй. Тэгвэл тэр 200 мянга төгрөгийг үнэхээр зээлсэн үү, та нар мэдэхгүй. Бид авсан уу, бас л та нар мэдэхгүй.

Аваагүй мөнгийг өгөх ёстой гэж үү бид? Арга ядсандаа "өгье ирж ав" гэсэн. Эцэст нь ийм юм боллоо. Тэр хүүхэн өөрөө харин зээлүүлээгүй, өгөө ч үгүй 200 мянгаа авсан. Ингэж авсан мөнгө түүнийг баяжуулах болтугай гэж ерөөе. Та бүхнээсээ ч бас уучлалт хүсэж байна. Хүмүүст сөрөг ойлголт санаатайгаар төрүүлж, хувийн эрх ашигт халдаж, нэр хүндэд халдсан гэж би өргөдөл гаргана гэдгээ мэдэгдэж байна. Харин та бүгдийг юу ч мэдэхгүй байж, хөндлөнгөөс дүгнэн, хүний үгэнд тархиа угаалгаж, миний хувийн хэрэгт анхаарал хандуулахгуй байхыг хүсье. Та бүхэнтэй уран бүтээлээрээ уулзаж, цаашдаа зөндөө удаан хамт байж, хайртай дуртай уран бутээлч байх болно. Олон олон шинэ бүтээлээр уулзах болно. Өмнө нь ч хэлсэн, одоо ч хэлж байна. Би шүүмжлэлийг хүлээж авна. Доромжлолыг бол үгүй. Надтай санал нэгдэх олон хүн байгаа гэж итгэж байна. Та бүхэндээ баярлалаа. Хүндэтгэсэн П.Шүүдэрцэцэг" гэлээ.