Эми Уайнхаусын хөшөөг барина

Английн алдарт дуучин Эми Уайнхаусын дурсгалд зориулж хөшөө босгохоор болжээ. “Roundhouse venue” хэмээх алдарт дуучдын тоглолтоо хийдэг байгууламжийнхны дэмжлэгээр барих уг хөшөөг нэрт барималч Скотт Итон урлах аж. Энэ санааг дуучны шүтэн бишрэгчид дэмжиж байгаа ч Скоттын гаргасан баримлын загвар тэдэнд таалагдахгүй байгаа гэнэ.

Хөшөөг дуучны биеийн өндөртэй адил хэмжээтэй хийх бөгөөд богино даашинз, бөмбийлгөсөн үстэйгээр загварыг нь гаргасан байна. Алдарт дуучны нас барахынхаа өмнө амьдарч байсан Камденд байрлах гэрийнх нь ойролцоо хөшөөг босгохоор төлөвлөж байсан ч тус дүүргийн удирдлагууд дургүйцжээ. Иймээс Эми Уайнхаусын хөшөөг “Roundhouse”-ын нэг давхарт босгож магадгүй байгаа ажээ.

Х.Төгөл