МУГЖ Н.Төмөрхуяг байртай боллоо

Бууж мордохдоо буурал аав минь

Инээж явдгийн учрыг олъё доо

Дуулж суухдаа буянтай ээжий минь

Уйлж байдгийн ухааныг танъя даа зэрэг олон сайхан дуугаараа монголчуудын сэтгэл зүрхэнд хоногшсон МУГЖ Н.Төмөрхуяг шинэ байрныхаа түлхүүрийг гардан авлаа.

Өнгөрсөн наймдугаар сард тоглолтынх нь үеэр “Бест Дриллинг” ХХК-ийн захирал Х.Нямбаяр түүнд нэг өрөө байр өгөхөө амласан юм.

Тэгвэл тус компани амлалтандаа хүрч МУГЖ Н.Төмөрхуягт шинэхэн байрны түлхүүрийг Хэнтий аймгийн оны шилдэг залуусыг тодруулдаг “Залуу шонхор” наадмын үеэр албан ёсоор гардуулан өгчээ.

Б.Гэрлээ