Мисс О.Ариунзул дэлхийн шилдэг 10 моделийн нэгээр шалгарчээ

Буриад улсын ардын жүжигчин, дуучин Б.Амархүүгийн сүйт бүсгүй, загвар өмсөгч мисс О.Ариунзул дэлхийн шилдэг 10 моделийн нэг болжээ.

Тэрээрурд хөршид зохиогдсон “Miss Model of the World-2014” тэмцээнд эх орноо төлөөлөн оролцож, 72 орны гоо бүсгүйчүүдээс ур чадвар, авьяас билгээрээ онцгойрч шилдэг 10-т шалгарсан байна. Түүнчлэн “Шилдэг үндэсний хувцас”, “Шилдэг авьяас” төрөлд тус бүр нэгдүгээр байрт шалгарчээ.

Сар гаруй хугацаанд үргэлжилсэн энэхүү тэмцээнийхээ талаар загвар өмсөгч, мисс О.Ариунзул өөрийн цахим хуудаснаа “Амжилтаар дүүрэн эх орноороо бахархсан, бидний өв уламжлал, ёс заншил үнэхээр агуу. Тусалж дэмжсэн гэр бүлийнхэн, найз нөхөд, хайртдаа, эгчдээ болон гайхалтай даашинз урлаж өгсөн авьяаслаг хамт олондоо, бусад хүмүүстээ бүгдэд нь баярлалаа. 2015 онд маш их амжилтыг та бүхэндээ хүсэн ерөөе” хэмээн бичжээ.

Б.Гэрлээ