Г.Отгонцэцэг хүрэл медаль хүртлээ

БНХАУ-ын Чиндао хотноо жүдо бөхийн гран при тэмцээн өчигдөр эхэлсэн билээ. Энэ удаагийн Гран при тэмцээнд манай улс эрэгтэй 11, эмэгтэй таван тамирчны бүрэлдэхүүнтэй Чиндаогийн гран прид оролцож байна.

Тэмцээний эхний өдөр буюу өчигдөр эрэгтэйчүүдийн 60, 66, эмэгтэйчүүдийн 48, 52, 57 кг-ын жингийн барилдаан болж, өндөрлөсөн аж. Эрэгтэйчүүдийн 60 кг-ын жинд Г.Хэрлэн, 66 кг-д Д.Алтансүх, эмэгтэйчүүдийн 48 кг-д Г.Отгонцэцэг нар хүрэл медалийн төлөө барилдахаар шалгарсан бөгөөд Г.Отгонцэцэг Оросын Жулиа Фигуероатай барилдаж, ялснаар медалийн тавцанд зогссон юм.

Харин 60 кг-ын жинд барилдсан Г.Хэрлэн Оросын Робертод, 66 кг-ын жинд Д.Алтансүх Японы бөх Рокуго Юүхэд ялагдсанаар V байрт шалгарчээ.

У.Жимсээ