Селена Гомез: Далай лам бол амьд бурхан

Энэ сарын 22, 23-нд Дээрхийн гэгээнтэн XIV Далай лам Канад улсад айлчлал хийжээ. Хэдхэн хоногийн өмнө Канадын парламентын ордонд халдсан этгээдийн талаар Далай лам “Учир утгагүй уур хилэн бидэнд хэрэггүй” хэмээжээ. Дээрхийн гэгээнтнийг тус улсад айлчлах үеэр холливүүдын уран бүтээлчид бараалхжээ.

Тухайлбал, дуучин Селена Гомез, жүжигчин Орланда Блум, Эва Лонгория, Лупита Нионго, Жереми Реннер, хөтлөгч Рассель Брэнд болон Канадын Ерөнхий сайд Стивен Харпер нар бараалхаж, уулзсан байна.

WE DAY тоглолтынхоо үеэр Селена Гомез Далай ламд бараалхсан бөгөөд түүний хэлсэн алдартай үг, сургаалийг сонсож явдагаа илэрхийлсэн аж. Далай амтай авахуулсан зургаа тэрээр өөрийн твиттер хуудас болон инстаграмдаа хийж "Амьд бурхан" хэмээн бичжээ.