Р.Гончигдорж далай аварга цолыг хас гэв

Үндэсний их баяр наадмын тухай хуульд өөрчлөлт оруулах тухай хуулийн төслийг гишүүн Р.Гончигдорж УИХ-ын дарга З.Энхболдод өргөн барилаа. Төсөлд үндэсний бөхөд улсын далай аварга цолыг олгодоггүй болохоор хуульчлах саналтай байгаагаа тусгажээ.

Учир нь монгол үндэсний бөхийн хөгжил өндөр түвшинд хүрч, өрсөлдөөн их болсон үед далай аварга цол олгож байгаа нь үндэсний бөхийн дархан аварга төрөх боломжийг хомсдуулж байна гэж үзжээ.

2003 онд анх удаа Монгол Улсын Ерөнхийлөгчийн санаачилгаар Үндэсний их баяр наадмын тухай хууль батлагдаж, Монгол үндэсний бөхөд Ерөнхийлөгчийн зарлигаар цол олгодог болсон бөгөөд ингэхдээ анх удаа улсын далай аварга цол шинээр бий болгосон билээ.

Б.Цэлмэг