Криштиан Рональду хеттрик хийснээр ДАШТ-ийг зорих боллоо

{!!!left!!!}Энэ цаг мөчид дэлхийн аваргын урьдчилсан шалгаруулалтын тоглолтууд ид явагдаж байгаа бөгөөд өнгөрсөн шөнө Криштиан Рональду Шведийн багийн хаалганд хеттрик хийснээр португалчууд ирэх онд Бразилд болох хөлбөмбөгийн ДАШТ-ийг зорих эрхтэй боллоо.

Ингэснээр Златан Ибрагимович тэргүүтэй Шведийн шигшээ энэ удаагийн ДАШТ-ийг өнжихөөр болж байна.

Тоглолтын эхний гоолыг Криштиан Роналду Шведийн хаалганы захыг эмжсэн хүчтэй цохилтоор хийсэн бол Златан Ибрагимович дараалан дубль хийснээр тоглолт 2:1-ийн харьцаатай болсон.

Энэ эгзэгтэй үед Криштиан Рональдугийн Шведийн хамгаалагчдаас сугаран гарч гайхалтай довтолгоонууд амжилттай болсноор 3:2-ын харьцаагаар Португалийн шигшээ ялалт байгуулсан юм.

Ийнхүү Ибрагийн дэлхийн аваргыг зорих эрмэлзлийг манай гаригийн өөр нэгэн шилдэг тоглогч Рональду цэг тавьж орхилоо.

Хөлбөмбөг сонирхогчдын үзэж буйгаар магадгүй энэ удаагийн дэлхийн аварга Ибрагимовичийн сүүлчийн боломж байсан гэнэ. Харамсалтай Рональдугийн хурд, гайхалтай цохилтуудыг шведчүүд яагаад ч зогсоож чадсангүй.

Н.Умард