Татварын багц хуулийн шинэчлэлтэй холбоотой уулзалт хэлэлцүүлэг болно

Өнөөдөр болох үйл явдлын тойм:

 

11:00 цагт: "Монголын үндэсний дроны холбоо" ТББ-аас БНСУ-ын шинжлэх ухаан танин мэдэхүйн үндэсний ассоциацтай хамтран ажиллах санамж бичгийг Шүүхийн шийдвэр гүйцэтгэх ерөнхий газарт байгуулна.

 

11:00 цагт: Татварын багц хуулийн шинэчлэлтэй холбоотой уулзалт хэлэлцүүлэг МҮЭХ-ны хурлын танхимд болно. Утас: 95115380

 

10:-13:00, 14:00-16:00 цагт: МАН-ын Удирдах зөвлөлийн ажлын албаны удирдлагууд, МАН-аас сонгогдсон УИХ-ын гишүүд ийн төлөөлөл иргэд олон нийт, намын гишүүдийн санал хүсэлтийг хүлээн авч уулзах “Иргэдээ сонсъё” уулзалт Тусгаар тогтнолын ордонд болно.

 

-"ХХI зууны эхэн үеийн Монголын дүрслэх урлаг дахь хөрөг зураг" үзэсгэлэнг МУЭ-ийн арт галерейд нээнэ. Үзэсгэлэн 2 дугаар сарын 15-ныг хүртэл үргэлжилнэ.

 

-Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн гуравдугаар сарын 12-ныг хүртэл Чингис хаан Үндэсний музейд үргэлжилнэ.

 

-Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс Татварын ерөнхий газарт хүлээн авч байна.

 

-Соёл урлагийн шилдгүүдийг шалгаруулах “Мөнгөн мод-2025” наадамд нэр дэвшигчдийн бүртгэлийг энэ сарын 3-7-нд хүлээн авч байна. 

 

-“Амар байна уу” үзэсгэлэн худалдаа “Соёолж молл” болон “Их наяд” худалдааны төвд энэ сарын 27-ныг дуустал үргэлжилнэ.

 

Орон нутагт:

-Завхан аймгийн 2025 оны өсвөр үеийн аймгийн аварга шалгаруулах тэмцээн энэ сарын 1-нээс 16 төрлөөр Улиастайд эхэллээ. Эдгээр тэмцээн зургаадугаар сарын 1-нийг хүртэл  хуваарийн дагуу үргэлжилнэ. 

 

Хилийн чанадад:

-Монгол, Узбекистаны Засгийн газар хоорондын анхдугаар хуралдаан Узбекистан улсын Ташкент хотод өнөөдөр, маргааш болно.

 

-Монгол хэл, бичиг үзэсгэлэнг Тайвань, БНСУ-ын Сөүл, Япон улсын Токио хотод энэ сарын 15-наас 2 дугаар сарын 25-нд зохион байгуулна.