"Сакраменто Кингз" дахин хожлоо

           NBA-гийн "Өрнө" бүсийн плей-оффын эхний шатанд "Сакраменто Кингз", "Голден Стэйт Уорриорз" багууд таарсан. Хоёр багийн хоёр дахь тоглолтод "Кингз"-чүүд найман онооны илүү буюу 114:106-гаар хожжээ. Ийнхүү тэд цувралыг 2:0-ээр тэргүүлж эхлэх нь тэр. Энэ тоглолтод "Сакраменто"-гийн литва төвийн тоглогч Д.Сабонис 24 оноо, есөн удаа самбараас бөмбөг авч, дөрвөн удаа оновчтой дамжуулсан бол "Голден Стэйт Уорриорз"-ын лидер С.Көрри 28 оноо, гурван удаа самбараас бөмбөг авч, зургаан удаа оновчтой дамжуулсан аж.