Балба ганцаарчилсан аялал хийхийг хориглолоо

Ганцаарчилсан адал явдалт хайгчдыг Эверестийн оргилд гарахыг хориглосноос хойш таван жилийн дараа Балбын Засгийн газар уг хязгаарлалтыг улс даяар сунгалаа.

Балба бол дэлхийн хамгийн өндөр найман уулын өлгий нутаг боловч үүнээс гадна хөдөө орон нутгийн аялал жуулчлалын үзэсгэлэнт бүсүүдээрээ алдартай юм. Хууль хэрэгжиж эхлэнгүүт алслагдсан бүс нутгуудаар аялах гэж байгаа жуулчид засгийн газрын тусгай зөвшөөрөлтэй хөтөч хөлслөх эсвэл аяллын бүлэгт нэгдэх ёстой аж.

Аялал жуулчлалын салбар нь тус улсын хамгийн том хөрөнгө босгодог салбаруудын нэг боловч төөрсөн ганцаарчилсан аялагчдад зориулсан эрэн хайх, аврах ажиллагааны зардал их гардаг учир ийнхүү шийдвэрлэжээ.