УБДС ТӨХК-ийн захирлаар ажиллаж байсан этгээд төсвийн мөнгөөр НУУЦ амрагийнхаа 49 сая төгрөгийн зээлийг ТӨЛЖЭЭ

АТГ-аас бэлтгэн гаргаж буй "Авлигын гэмт хэрэг" нэвтрүүлгийн хоёр дахь дугаар цацагдлаа. Эл дугаарт Улаанбаатар дулааны сүлжээ төрийн өмчит компанийн нэр бүхий албан тушаалтнуудад холбогдох хэрэг, шүүхээр шийтгэгдсэн байдлын талаар хүргэсэн юм. Тодруулбал, олон жил ажилласан ажилчинд олгодог байрны тэтгэмжийг ажилд ороод удаагүй албан тушаалтанд олгосон гэх гэмт хэргийн шинжтэй мэдээлэл АТГ-д иржээ.

Үүний дагуу шалгахад УБДС ТӨХК-ийн захирлаар ажиллаж байсан этгээд удирдах албан тушаалтанд хууль бусаар тэтгэмж олгож, байрны зээлийг нь хаах шийдвэр гарган 49 сая төгрөгийг байгууллагаас олгосон нь үнэн байжээ. Мөрдөн шалгах ажиллагааны явцад захирал болон тэтгэмж авсан албан тушаалтан нь дотно харилцаатай хүмүүс байсан аж.