Их Британийн эдийн засгийн уналт 2020 оны хоёрдугаар улиралд эхний ба хамгийн хүчтэй түгжрэл дунд 21 хувь байсан гэж тэмдэглэсэн байна. Урьд нь энэ үзүүлэлтийг 19,4 хувьд хүрнэ хэмээн таамаглаж байсан юм. Үндэсний статистикийн газраас "Хямралын үеийн аж ахуйн нэгжүүдийн зардлын талаар илүү нарийвчилсан мэдээлэл байгаатай холбоотойгоор эдийн засгийн уналтын талаарх тоон үзүүлэлтийг эргэж харах боломжтой болсон" гэж мэдээлсэн бол наймдугаар сарын 22-нд Citi "2023 оны нэгдүгээр сар гэхэд хийн үнэ үргэлжлэн өссөнөөс болж Их Британид инфляцийн түвшин 18,6 хувьд хүрнэ. Энэ нь сүүлийн хагас зуунд болж байгаагүй өндөр үзүүлэлт юм" хэмээн дурдав. Эл үзүүлэлт нь 1979 онд тус улсад хэрэглээний үнийн индекс 17,8 хувьд хүрсэн ОПЕК-ийн газрын тосны хоёр дахь хямралын дараах инфляцийн оргил үетэй харьцуулахад өндөр байх нь. Цахилгааны жижиглэнгийн үнэ нэгдүгээр сард 2,5 дахин нэмэгдэж, 4,567 фунт стерлинг, дөрөвдүгээр сард бараг гурав дахин өсөж, 5,816 фунт стерлинг болно гэж таамаглаж буй. Өнөө  жил Их Британид нэг өрхийн цахилгаан эрчим хүчний зардалд дунджаар 1,971 фунт стерлинг зарцуулж байгаа юм.

СЭТГЭГДЭЛ БИЧИХ