Дуучин М.Үүрцайх анхны бие даасан тоглолтоо хийнэ

Гайхалтай хоолойгоороо нэгэн үе донсолгож явсан дуучин М.Үүрцайх уран бүтээлдээ эргэн ороод байгаа билээ. "Хайрын дууч" хэмээн нэрлэгддэг байсан тэрээр өнгөрсөн онд эргэн ирж буйгаа зарлан хит болсон уран бүтээлүүдээ нэгтгэн дүрсжүүлэхийн сацуу шинэ уран бүтээлээ ч мөн танилцуулсан. Харин энэ удаад тэрээр өөрийн бие даасан "Дурсамж амьдрал" хэмээх тоглолтоо хийхээр зэхжээ. 

Түүний тоглолт ирэх сарын 9-ний өдөр "UG Palace"-д болно. Тоглолтод өөрийн хит болсон уран бүтээлүүдээ толилуулахын сацуу цоо шинэ дуунуудаараа сюрприз барих гэнэ. 

Мөн хит болсон уран бүтээлд хамтран ажилласан уран бүтээлчид оролцох бөгөөд амьдралын тань нэгэн үеийн дурсамжийг дахин сэргээхээр бэлтгэл ажилдаа хэдийнэ оржээ.