Саудын Араб 170 км урттай барилга-хот барина

Саудын Араб “The Line” нэртэй хот байгуулалтын төслийнхөө зургийг танилцуулав. Нэг урт барилга дотор 9 сая оршин суугчтай хот байгуулах бөгөөд уг хот-барилгын өргөн ердөө 200 метр байх аж. Саудын Арабын баруун хойд хэсэгт 500 тэрбум ам.долларын өртгөөр хэрэгжих “Neom” төслийн хүрээнд баригдах “The Line” хот-барилга гудамжгүй, автомашингүй байхаар төлөвлөгджээ. 

Саудын Араб хөрш болох Арабын Нэгдсэн Эмират улстай аялал жуулчлалын талбарт өрсөлдөн, 2030 он гэхэд жилд 100 сая жуулчин хүлээн авдаг болно хэмээн зарлаад буй.