Ш.Абэг халдлагаас хамгаалах бүрэн боломж байжээ

     "Японы ерөнхий сайд асан Шинзо Абэг халдлагаас урьдчилан сэргийлэх боломж байсан" гэж Олон улсын бие хамгаалагчдын холбооны дэд тэргүүн, Японы хамгаалалтын CCTT компанийн захирал Хидето Осанай Diamond сэтгүүлд өгсөн ярилцлагадаа онцлон тэмдэглэв. Түүнийхээр 100 хувийн аюулгүй байдал, хамгаалалт гэж үгүй ба  экс ерөнхий сайдыг амархан хамгаалж болох байсан гэнэ. Талийгаачийн хамгаалагчдын үйлдлийн талаар янз бүрийн таамаг бий бөгөөд нэг хэсэг нь түүний эргэн тойронд хамгаалагчид нь хангалтгүй байсан гэж үздэг бол нөгөө хэсэг нь тэд Ш.Абэг анх буудсанаас хоцрогдсон үйлдэл үзүүлсэн хэмээн шүүмжилдэг аж. Х.Осанай "Эдгээр дүгнэлт буруу биш ч цаашид аюулгүй байдлын сургалт, урьдчилсан бэлтгэл зэрэгт анхаарах хэрэгтэй. Урьдчилан сэргийлэх, хариу арга хэмжээ авах, үр дагаврыг арилгах гэсэн үндсэн гурван үе шат байдаг ч Абэгийн халдлагын хувьд аль нь ч дуусаагүй" гэж өгүүлжээ.