Хэт халууны улмаас хоёрхон өдрийн дотор 43 хүн нас барав

     "Испанид хэт халууны улмаас хоёр хоногт 43 хүн нас барлаа" гэж Telecinco телевиз баасан гарагт мэдээллээ. "Долдугаар сарын 10, 11-нд агаарын хэт өндөр температурын улмаас 43 хүн амиа алдсан" гэж тус улсын ЭМЯ-ны харьяа гуравдугаар Карлосын Эрүүл мэндийн хүрээлэнгийн мэдээллээс уг телевиз эш татжээ. Antena 3 телевизийн мэдээлснээр амиа алдагсдын ихэнх нь 75-аас дээш насныхан аж. Испанид хэт халууны улмаас  зургадугаар сард 829 хүн нас барсан бол долдугаар сард одоогоор 111 хүн хорвоог орхиод байна.