Төв банк өнгөрсөн сард 1.9 тонн үнэт металл худалдан авчээ

Төв банк өнгөрсөн сард 1,962.6 кг үнэт металл худалдан авчээ. Оны эхнээс өссөн дүнгээр нийт 7.9 тонн үнэт металл худалдан аваад байна. Энэ нь өмнөх оны мөн үетэй харьцуулбал 16 хувиар буурсан үзүүлэлт аж.

Оны эхнээс өссөн дүнгээр Дархан-Уул аймаг дахь Монголбанкны хэлтэс 490.6 кг, Баянхонгор аймаг дахь Монголбанкны хэлтэс 491.0 кг үнэт металл тус тус худалдан авчээ.

Монголбанк энэ оны 5 дугаар сард 2,152 кг үнэт металл худалдан аваад байсан юм. Энэ нь мөн оны эхнээс өссөн дүнгээр 6 тонн үнэт металл болж байв. Өмнөх оны мөн үеийнхтэй харьцуулбал 14 хувиар багассан үзүүлэлттэй гарч байлаа. Төв банкны Дархан-Уул аймаг дахь хэлтэс оны эхнээс 193.6 кг, Баянхонгор аймаг дахь хэлтэс 304.9 кг үнэт металл худалдан аваад байв.