“Дэлхийн авто замын гайхамшиг” хэмээгдсэн Тэнгэрийн хаалга уулын зам

   Тэнгэрийн хаалга буюу Тянь Мэнь Шань уул нь Хятадын аялал жуулчлалын алдартай бүс болох Хүнань мужийн Жан Жя Же хотын нутагт байдаг. Хятадын “хамгийн бартаатай зам”, “хамгийн аюултай зам” хэмээгдсэн Тянь Мэнь Шань уулын замыг 1998 онд эхэлж байгуулж 2005 онд барьж дуусжээ. Далайн төвшнөөс дээш 200 метрээс өгсөн 1300 метрт хүрэх 10 километр замыг 7 жил зассан гэхээр хир зэргийн бартаатай зам болох нь тодорхой байгаа биз. Зорчигч болон жуулчдын аюулгүй байдлыг батлахын тулд одоог хүртэл уг замаар хувийн тээврийн хэрэгсэл явуулахгүй, тусгай автобус үйлчилнэ. Ер есөн тохойтой, ертөнцийн нэгэн гайхамшиг-Тэнгэрийн хаалга уулын зам.