"Эрдэнэс Тавантолгой"-н ногдол ашгаар Хөгжлийн банкны 155 саяын өрийг төлнө

Өнөөдөр /2022.06.07/ Хөгжлийн банкны асуудлыг хянан шалгах үүрэг бүхий УИХ дахь түр хороо хуралдаж байна. Хуралдааны үеэр Сангийн сайд Б.Жавхлан мэдээлэл өгч, гишүүд холбогдох албан тушаалтнуудаас асуулт асууж байгаа юм.

Тэгвэл энэ үеэр "Эрдэнэс Тавантолгой" ХК-ийн төрийн мэдлийн хувьцаанд ноогдох ашгаар Хөгжлийн банкны зээлийн нэг хэсгийг төлүүлэхээр болсон тухай мэдээллээ. Тодруулбал, "Эрдэнэс Монгол" ХХК Хөгжлийн банканд 155.5 тэрбум төгрөгийн зээлтэй бөгөөд энэ нь "Анхаарал хандуулах" ангилалд багтсан. Тэгвэл уг өрийг "Эрдэнэс Тавантолгой"-н ногдол ашгаар ийн барагдуулах болсныг Хөгжлийн банкны захирал Н.Мандуул мэдээллээ.