Ким Жөн Ун шинэ туслах бүсгүйтэй болсон уу?

  Саяхан олон нийтийн арга хэмжээн дээр БНАСАУ-ын удирдагч Ким Жөн Уны хажууд хэд хэдэн удаа гарч ирсэн нэгэн үл таних эмэгтэйн талаар NK News мэдээлжээ. Тус сонинд "Сүүлийн долоо хоногт БНАСАУ-ын төрийн мэдээллийн хэрэгслээр тараасан хэд хэдэн гэрэл зураг, дүрс бичлэгээс 30-40 насны, үл таних нэгэн эмэгтэйг харж болно.Тэрээр энэ сард Ким Жөн Унтай хамт олон нийтийн дөрвөн арга хэмжээнд оролцсон" гэж бичсэн аж. Тодруулбал, өнгөрсөн долоо хоногт  Хойд Солонгосын удирдагчийн хөдөлж буй лимузинуудын дэргэд мөнөөх бүсгүй зогсож байгаа хэдэн гэрэл зураг нийтлэгдсэн байна. "Үүний зэрэгцээ тэрээр ихэнх тохиолдолд олны өмнө том хар цүнхтэй гарч ирдэг, түүнд нь БНАСАУ-ын даргад хэзээ ч хэрэг болж мэдэх эм, харилцаа холбооны хэрэгсэл байж магадгүй" хэмээн NK News-т бичив.