"Жуманжи"-ийн дүрээр танигдсан жүжигчин Робин Уильямс 2012 онд кинонд тоглох гэрээ байгуулахдаа орон гэргүй хэд хэдэн хүнтэй гэрээ байгуулж кинонд тоглуулах шаардлага тавьж байжээ. Тэрээр 2014 онд амиа хорлож нас барсны дараа түүнтэй хамтран ажиллаж байсан нэгэн продюсер энэ талаар ам нээсэн аж. Робин Уильямс хэд хэдэн арга хэмжээнд оролцохдоо мөн ийм шаардлага тавьж байсан аж.

Жорж Клуни Gravity кинонд Сандра Буллокийн хамт тоглохдоо өөрийн эдлэн газарт байгаа мэт орчин бүрдүүлэхийг шаарджээ. Сагсан бөмбөгийн талбай, жакуззи, хувийн цэцэрлэг, далайн эрэг дээр урц барихыг шаардсаны дагуу зураг авалтын багийнхан 100 мянга гаруй доллар зарцуулж энэ бүгдийг босгож өгчээ. Алфонсо Куараны найруулсан энэ кино долоон номинацид Оскарын шагнал авсан билээ.

Эрин Броковичоор Оскар авсан Жулиа Робертс зураг авалтын талбай дээр, гарынх нь дор Францын Evian ус дор хаяж 15 байх ёстой хэмээн шаарддаг байв. Нэг удаа түүний шаардлагыг огоорсон продюсер зургаан оронтой тоогоор хэмжигдэх торгуульд унаж байсан гэдэг.

Сагсан бөмбөг, Лос-Анжелес Лейкерс багийн үнэнч фен Жак Николсон багийнхаа тоглолтыг алгасалгүй үздэг. Кинонд тоглохдоо "Багийнхаа тоглолт бүрийг очиж үзнэ" гэсэн заалтыг гэрээнд заавал тусгадаг аж. Тэрээр Staples Arena-д хамгийн доод эгнээнд өөрийн гэсэн суудалтай. Мөн зураг авалтын багийн хэн нэгэн хамгийн заналт өрсөлдөгч Boston Celtics-ийн өмсгөлтэй харагдах ёсгүй гэнэ.

Жонни Депп Карибын тэнгисийн дээрэмчид кинонд тоглож байхдаа чихэвчээр яриаг нь шивнэж байх дууны инженер шаарджээ. Ийнхүү Жак Спарроугийн дүрийг бүтээхдээ харилцан яриа цээжлэх хэрэггүй болсон аж.

Misión Imposible-ийн Том Круз орлон тоглогчоос татгалздаг. Тэрээр хэцүү, адармаатай хэсэгт тоглохдоо итгэлтэй, чөлөөтэй байхын тулд дор хаяж арваад бэхэлгээ хийхийг шаарддаг байв.

Поп од Женнифер Лопез цагаан өнгийг эрхэмлэдэг. Зураг авалтын үеэр байрлах өрөөний хана, тааз, шал (тавилгаас бусад нь) цасан цагаан өнгөтэй байх ёстой. Зураг авалтын үеэр түүний гарын үсгийг гуйсан ажилтныг шууд халахыг шаарддаг байжээ. Үүнийгээ зураг авалтын багийнханд анхааруулсан байдаг аж.

Самуэл Жэксон зураг авалт дундуур гольф тоглодог. Гольф тоглох хоёр өдрийн чөлөөг гэрээндээ тусгаж өгдөг гэнэ. Ямар ч кинонд тоглосон энэ зуршлаа орхидоггүй аж. Тэрээр Холливудын хамгийн өндөр орлоготой жүжигчдийн нэг. Жэксон 120 гаруй кинонд тоглож 13 тэрбум долларын орлого олсон гэдэг.