Я.Ягрыг гүйцэхэд А.Овечкинд гурван шайб хэрэгтэй

 Америкийн Үндэсний хоккейн лигийн улирлын ээлжит тоглолтдоо "Вашингтон Кэпиталз", "Сиэтл Кракен"-ийг 5:2-оор буулган авав. "Вашингтон"-ы ахлагч Александр Овечкин тоглолтын 41 дэх минутад Жон Карлсоны дамжуулалтаар шайб орууллаа. Энэ нь 2004 оны драфтын нэгээр шалгарч, "Вашингтон"-д очсон түүний 764 дэх шайб болжээ. Бүх цаг үеийн "мэргэн буучид"-ын жагсаалтын гуравт бичигдэж буй Яромир Ягрыг гүйцэхэд 36 настай орос эрд гурван шайб хэрэгтэй. Бүх үеийн "мэргэн буучид"-ын жагсаалтыг домогт Уэйн Гретцки 894 шайбаар тэргүүлж, Горди Хоу 801, Яромир Ягр 766 шайбаар удаалж байна.