Цахилгаан тасарсны улмаас Азийн аварга шалгаруулах тэмцээн хойшиллоо

Сонирхогчдын боксын 22 хүртэлх насны ангиллын Ази тивийн аварга шалгаруулах тэмцээний зарим тоглолтууд хойшилсон байна. Учир нь өнөөдөр Узбекистан зэрэг Төв Азийн орнуудад цахилгаан тасарсны улмаас Азийн аварга шалгаруулах тэмцээний дөрөв дэх өдрийн тэмцээн хойшлогдлоо. Казахстаны хуучин нийслэл Алматы хотод мягмар гарагт цахилгааны гэмтэл гарсаны улмаас Ташкентэд тог тасарч нөхцөл байдал хүнд байгаа юм байна. Азийн боксын холбооны удирдлагууд болон U22 Азийн тивийн аварга шалгаруулах тэмцээний зохион байгуулагчид, Узбекстаны Эрчим хүчний салбарынхантай уулзалт хийсний дараа дараах хуваарийг гаргажээ.

-1 дүгээр сарын 26-ны өдөр Эрчим хүч сэргээхийн тулд тэмцээн амарна.

-1 дүгээр сарын 27-ны 12:00 цагаас эмэгтэй хагас шигшээ тулаан,

17.00 цагаас эрэгтэй хагас шигшээ тулаан

-1 дүгээр сарын 28-ны өдөр амралт

-1 дүгээр сарын 29-ний 13:00 цагаас эмэгтэй шигшээ тулаан

17.00 цагаас эрэгтэй шигшээ тулаан

Дашрамд дурдахад, манай шигшээ багийн 15 тамирчнаас хагас шигшээ тулаанд 12 тамирчин шалгарч үлдээд байна.