"Ливерпүүл" Португалын "Порто"-гийн мэргэн бууч Луис Диазыг 71.7 сая еврогоор худалдаж авахад ойрхон байна

Португалын "Порто" клубын хагас хамгаалагч Луис Диас Маруланда Премьер лигт нэгдэхэд ойрхон байгаа ажээ.

Caracol Radio-гийн сэтгүүлч Сезара Аугусто Лондоньогийн мэдээлснийг Оросын sports.ru сайт иш татан мэдээлэхдээ Луис Диазыг "Ливерпүүл" клуб 60 сая фунт буюу 71.7 сая еврогоор авахаар тохиролцоонд бараг хүрч байна хэмээжээ.

Диазыг "Ньюкасл" авахаар санал хүргүүлсэн юм байна. Гэхдээ "Ливерпүүл"-ийн санал "Ньюкасл"-ынхыг давж гарч байгаа аж.

"Ливерпүүл"-ийн довтолгооны гол тамирчид болох Мохамед Салах, Садио Мане нар Африкийн цомын тэмцээнд оролцохоор шигшээ багтайгаа нэгдэж байгаа энэ үед тэд Луис Диазтай аль болох хурдхан гэрээ байгуулж, авахыг хичээж байгаа юм байна.

Лиус Диаз энэ улиралд Португалын лигт 15 тоглолтод оролцохдоо 12 гоол оруулжээ.